المسار الجديد موقع المسار الجديد موقع اخباري على مدار الساعة
مقالات مشابهة
مشهد مؤتر / قصة من واقعنا…
حدث في سوق الخميس”” أولاد تايمة” فرحبة دجاج واحد السيد جاب جوج فرارج بغى يبيعهم واحد بلدي ، واحد كروازي عطاوه ربعالاف ريال هو كايقول خمسالاف ريال مابغاش بهبط منها ومبغاش يبيع كل واحد بوحدو بغى يبيعهم بجوج شحال من واحد مشى ورجع والوا سيد كايقول خمسالاف ريال ديهم ولا خاليهم .
بدا سوق كايخوى ولي شرى شي حاجة عاود فيها البيع وهو مزال مباع مزال مابغى يبيع أقل من خمسالاف ريال جا واحد سولوا قال ليه دخلنا عليك بالله علاش مابغيتي تبيع هذا جوج فراراج وراه سوق دابا غاظي وكايخوى ولي عطاك شي عطاك شي حاجة مغاديش يعاود يعطيها ليك
سيد جبد ورقة ديال ضوء من جلابة ديالوا قال ليه انا ناوي ان شاء الله نبيع هذا جوج فرارج ونمشي نخلص بيهم هذا ورقة ديال ضوء راه ماشي بخاطري كانقول فيهم خمسالاف ريال السيد باينة فيه معقول ماشي ديال تخلويض سيد لي سولوا مشى قالها لصحاب دجاج لي كايمشوا الإنزكان كل واحد جبد ألف وجمعوا ليه عشرلاف ريال وجمعوا ليه شوية الخضراء حتى من لعيالات لي كايبيعوا البيض عطاوه البيض ودا فرارج ومشى بحالوا وعينيه غرغرو بالدموع بالفرحة
شوف سبحان الله جا يبيع حتى صدق رجع فرارجوا ودا فلوس ودتقدية ومشى فرحان علم الله أش من خير دار هذا سيد حتى يجازيه الله بهذا الجزاء الحمد الله سوق باقي فيه رجال ولاد الناس وبنات الناس.
بتصرف نقلا عن موند بريس.
