خربشات لمراد الداهية فريد.
جيت نعاود ليكم قصتي مع البنت لي عشت معاها قصة حب دامت عامين، هاد البنت جات عرضات عليا لعرسها صراحة شكرا بزاف لناس لي ساعدوني وشجعوني نحضر لعرسها.
المهم كان لعرس وبالفعل لبست كوستيم وتأنقت ومشيت غير دخلت للقاعة لقيت عائلتها لي كانت عارفة حبنا بقاو معجبين فيا ومشيت كلست معا ولاد خالتها وولاد عمامها لي تابعو قصتنا كولهم وقالو لي جيت مبوكس ومدحوني بشجاعتي وصبروني وضحكوني شوية و فوجو عليا . وغير سمعت زغاريد تهزيت من بلاصتي ومنين شفتهوم دخلو وهي شادا ليه في إيديه حسيت بالحرقة فقلبي وحس بيا ولد خالتها وهو يهضر معايا و بقى يصبر فيا،
المهم كلسات هي وراجلها فبلاصتهم يلاه بغيت ندور نشوفهم جات عيني فعينها وتذكرت كل مادوزنا ولهضرة لي كنا كانقولو عرفتي حدرت راسي وكلست شوية وبغيت نخرج وتلاقيت مع مها و قالت ليا لعرس مازال ماسالا ولا ماقديتيش…
ضحكت ليها فوجهها ضحكة صفرة وقلت ليها لا أخالتي غادي غير نهضر فالتلفون خرجت لبرا عينيا تغرغرو جات صاحبتها بقيت نشكي عليها وهي غير ساكتة كتصنت حتى فشيت قلبي ورجعت دخلت تخيلو معايا كل لبسة كتدخل بيها قدامي وهو معاها كنتخايل راسي أنا بلاصتو وفآخر لعرس منين بغا إركب ليها الخاتم عرفت راسي خسرتها ومابقاتش ديالي وتأكدت ملي ركبو طموبيل ومشاو عرفت بلي سالا كلشي…
جاو عندي ولاد خالتها قالولي راك قوي صبرتي تبارك الله عليك…
ولكن كون غير عرفو باش حسيت وكون غير تعرفو نتوما بلي غير مالقيت ماندير وقلت نطلقها عليكم نزعزع ليكم المشاعر شوية في هاد صهد ملي كنتفكر داروني تسطيت…
غير من وحي الخيال غير تكايسو و دعيو معايا الله اهديني واسهل عليا وعليكم.